افضل موبايلات 2020 للفئة العالية المنافسة بين 15 موبايل

افضل موبايلات 2020 للفئة العالية المنافسة بين 15 موبايل

150
0 تعليق
admin

    هنتكلم النهارده عن افضل موبايلات 2020 الفئة العالية و المنافسة هتكون قوية بين افضل 15 موبايل في 2020 للفئة الرائدة او زي ما بيطلق عليها هواتف الفلاج شيب بغض النظر اسم الشركات الرائدة Samsung أو Apple أو Google اصبح اسعار الموبايلات في 2020 يتخطي 800 و 1000 دولار و دا بيخلي الاختيار اصعب.

    عشان كدا هنعرضلك في الموضوع دا سعر ومواصفات افضل موبايلات 2020 يمكن نساعدك في اختيار الموبايل الانسب ليك من ناحية الامكانيات و مطلباتك اليومية و كمان هنقارنلك بين تمن الاجهازة دي.

    افضل موبايلات 2020

    هيكون معيار السعر في موضوعنا بالجنية المصري يعني ممكن تعتبر الموضوع بيتكلم عن اسعار افضل موبايلات 2020 في مصر و كمان هتلاقي في موقعنا موبايلينو مراجعة كاملة لكل الموبايلات و اسعار الموبايلات في السعودية والامارات و الكويت و التسعيرة العالمية لجميع الموبايلات.

    ظهور اكتر من موبايل رائد في 2020 زود الامر صعوبة لكن احتاجتاتك اليومية هي اللى هتحدد موبايلك القادم , يعني لو انت من الناس اللى مهم بالنسبالها تطبيقات iMessage و FaceTime هيبقي اختيارك موبايلات Apple , لو انت من محبي القلم يبقي اختيارك من موبايلات سامسونج نوت و دا معناه انك لازم تكون محدد احتاجاتك الاساسية.

    1. Samsung S20 و Samsung S20 Plus

    Samsung Galaxy S20 Plus

    • تاريخ الإصدار: مارس 2020
    • الوزن : 186 جرام
    • الأبعاد : 166.9 × 76 × 8.8 ملم
    • نظام التشغيل : Android 10
    • حجم الشاشة : 6.7 بوصة
    • دقة الشاشة : 3200 × 1440
    • المعالج : Snapdragon 865
    • الرامات : 12 جيجابايت
    • التخزين : 128/512 جيجابايت (حتى 1 تيرابايت بالبطاقة)
    • البطارية: 4500 مللي أمبير
    • الكاميرا الخلفية : 12 + 64 + 12 ميجا بكسل
    • الكاميرا الأمامية : 10 ميجا بيكسل

    يتعبر هاتف Samsung Galaxy S20 Plus أفضل هاتف ممكن تشتريه في الوقت دا سواء هو او اخوه الاصغير Samsung S20 رغم الاختلاف بس الموبايلين قريبين جدا من بعض عشان كدا حطنا الموبايلين مع بعض .

    • ليه سامسونج S2 بلس افضل موبايل : القيمة مقابل المال و دا بتنجح دايما Samsung في مقابل Apple يبدأ سعر Samsung S20 Plus من 15900 جنية مصري ويبدأ سعر Samsung S20 من 14000 جنية مصري ، طبعا كلنا شايفين الزيادة في اسعار الموبايلات عن السنين السابقة بس برضو بيفضل Samsung S20 Plus يتوفق علي موبايلات أيفون من حيث الشاشة الاكبر و وفتحة بطاقة microSD و شاحن اسرع.
    • الشاشة:  كل من سامسونج اس 20 و اس 20 بلس بيجي بشاشة Infinity-O AMOLED و هي بمقياس 6.2 بوصة في S20 و 6.7 بوصة في S20 Plus ، حواف الشاشة قريبة جدا من Note 10 لكنها اصغر بحاجات بسيطة ، و كمان الشاشة بتدعم 120 هرتز عشان تتديك اداء سلس و اكثر متعة في مشاهدة الوسائط و تجربة العاب افضل .
    • البطارية: يحتوي موبايل سامسونج S20 على بطارية بقوة 4000 مللي أمبير ، بينما بطارية S20 Plus تبلغ 4500 مللي أمبير ، و دا هيوفرلك اطول وقت استخدام من غير ما تحتاج تشحن الموبايل ، كمان الموبايل بيدعم الشحن السريع من سامسونج و خاصية Wireless PowerShare لشحن هواتف سامسونج من خلال الوايرلس .
    • الكاميرا: يتمتع كل من سامسونج S20 و S20 Plus بكاميرات مذهلة ، الكاميرا الرئيسية بدقة 12 ميجابكسل ، إنها الكاميرا  الثانية بدقة 64 ميجابكسل و هتقدر من خلالها اعمل زوم لحد 30 ضعف مع معالج جيد جدا في معالجة الصور و التركيز البصري هخليك تصور صور باحترافية و في اقل وقت ممكن ، بالنسبال الكاميرا الأمامية بدقة 10 ميجابكسل بتتمتع بمثبت بصري عالي الدقة و امكانية تصوير فيديو بدقة 8K و 24 اطار في الثانية الواحدة.

    2. Apple iPhone 11

    Apple iPhone 11

    • الوزن : 194 جرام
    • الأبعاد : 150.9 × 75.7 × 8.3 ملم
    • نظام التشغيل : iOS 13
    • حجم الشاشة : 6.1 بوصة
    • الدقة : 828 × 1792
    • المعالج : A13 Bionic
    • الرامات : 4 جيجابايت
    • التخزين : 64/128/256 جيجابايت
    • البطارية : 3110 ملي أمبير
    • الكاميرا الخلفية : 12 ميجا بيكسل + 12 ميجا بيكسل
    • الكاميرا الأمامية : 12 ميجابكسل

    الموبايل التاني معنا iPhone 11 و احنا هنا بنقيم الموبايل من كذا ناحية اهمها السعر بمعني ان أيفون 11 مش متفوق تقنيًا على iPhone 11 Pro لكن سعره كويس جدا مقابل باقي موبايلات ايفون التانية ، نقدر نقول انه بيحل محل iPhone XR مع الحصول علي احدث معالجات أبل A13 و كمان كاميرا خلفية مزدوجة و شاشة بمقاس اكبر .

    ليه iPhone 11 في المرتبة التانية : رغم انه من اخر اصدارات Appel لكن بيفضل سامسونج اس 20 و اس بلس متفوقين عليها في تصنيف افضل موبايلات الفلاجشيب 2020 من ناحية القيمة مقابل السعر.

    رغم كدا بيفضل iPhone 11 هو أفضل أيفون لمعظم الناس لأنه سعره بيدا من 13500 جنية مصري ، و بكدا بيكون أرخص من iPhone XR وقت إطلاقه من سنة ، وهو أرخص بكثير من iPhone 11 Pro ، الذي يبدأ بسعر 19000 جنية مصري تقريبا ، على عكس iPhone SE 2020 اللى هنتكلم عنه قدام انه بيوفر افضل قيمة مقابل السعر.

    الشاشة : بتجي الشاشة بمقاس 6.1 بوصة و دي هتكون اكبر من شاشة iPhone 11 Pro و اصغر iPhone 11 Pro Max ، و دي نقطة مهم بتخليه الهاتف الاكثر مبيعاً.

    البطارية : البطارية في ايفون 11 هتقدر توفرلك استخدام يدوم طول اليوم و دا افضل من اداء البطارية في موبايل زي iPhone XR اللى كانت الافضل السنة اللى فاتت و للاسف ان علبة الهاتف لا تحتوي علي شاحن سريع.

    الكاميرا : اداء الكاميرا الخلفية يعتبر من افضل كاميرات أبل السنادي مع كاميرتين بدقة 12 ميجابكسل فتحة عدسة عريضة جدا و الكاميرا امامية بدقة 12 ميجابكسل ايضا .

     

    3. Samsung Galaxy Note 20 Ultra

    افضل موبايلات 2020

    • تاريخ الإصدار: أغسطس 2020
    • الوزن: 208 جرام
    • الأبعاد: 164.8 × 77.2 × 8.1 ملم
    • نظام التشغيل: Android 10
    • حجم الشاشة: 6.9 بوصة
    • المعالج : Exynos 990 / Snapdragon 865 Plus
    • الرامات : 12 جيجابايت
    • التخزين: 128 او 256 او 512 جيجابايت
    • البطارية: 4500 مللي أمبير
    • الكاميرا الخلفية: 108+ 12 + 12 ميجابكسل + 12 ميجابكسل
    • الكاميرا الأمامية: 10 ميجا بيكسل

    يعتبر Samsung Note 20 Ultra هو أغلى هاتف غير قابل للطي من سامسونج ، و دا هيكون أغلي جهاز معنا في قائمة افضل موبايلات 2020 ، و اكتر حاجه بتميز سامسونج نوت 20 الترا هي طبعا القلم بالاضافة الى الكاميرات المذهلة بمعني الكلمة.

    مع كاميرات Samsung Note 20 Ultra هتكون مستعد دايما للتصوير حتي ابعد اللقطات من خاصية التكبير البصري X5 خمس اضعاف التصويؤ العادي و تكبير رقمي بيوصل لـ 50X و دا اعلي تكبير رقمي موجود لحد دلوقتي .

    ليه Note 20 Ultra في المرتبة الثالثة : بكل وضوح و برغم امكانيات الموبايل الجبارة لكن حاجز السعر اللي وصل لـ 21500 جنية مصر للنسخة الـ 256 جيجا لو كنت بتدور علي موبايل فيه كل حاجه و مش عايز تستني  Galaxy Z Fold 2 يبقي  Samsung Note 20 Ultra هو أفضل موبايلات سامسونج .

    الشاشة: شاشة Note 20 Ultra ضخمة بمقاس 6.9 بوصة ، و هي اكبر من شاشة Note 10 Plus  بجزء واحد من عشرة بمقاس 6.8 بوصة لكن نوت 20 الترا تتميز بمعدل تحديث للشاشة بيوصل 120 هرتز، مع دقة WQHD + و 120 هرتز في نفس الوقت.

    البطارية: يحتوي Note 20 Ultra على بطارية قوية تبلغ 4500 مللي أمبير هتقدر تستخدم موبايلك ليوم كامل في حالة الاستخدام العادي يعني هتقدر تعمل مكالماتك و تتصفح الانترنت و تشات براحتك يوم كامل  و Samsung كمان وفرت الشاحن سريع بقوة 25 وات في العلبة الهاتف و الشحن اللاسلكي بقوة 15 وات .

    الكاميرا: يحتوي Note 20 Ultra على أفضل كاميرا في هاتف Android ، و دا بفضل كاميرات الموبايل اللي بتعمل تكبير البصري 5x وتكبير الرقمي 50x دي ميزة مقارنة مع موبايلات ايفون التكبير البصري فيها 2x  و تكبير رقمي 10X مع اقتصاص جزء بسيط من اطراف الصورة .

     

    4. iPhone 11 Pro و 11 Pro Max

    4. iPhone 11 Pro و 11 Pro Max

    • تاريخ الإصدار : سبتمبر 2019
    • الوزن : 226 جرام
    • الأبعاد : 158 × 77.8 × 8.1 ملم
    • نظام التشغيل : iOS 13
    • حجم الشاشة : 6.5 بوصة
    • دقة الشاشة : 1242 × 2688
    • المعالج : A13 Bionic
    • الرامات : 4 جيجا بايت 
    • التخزين : 64/256/512 جيجابايت
    • البطارية : 3500 مللي أمبير 
    • الكاميرا الخلفية : 12 + 12 + 12 ميجابكسل
    • الكاميرا الأمامية : 12 ميجابكسل

    يعتبر كل من iPhone 11 Pro و 11 Pro Max متشابهين لابعد حد باستثناء أحجام الشاشة والبطاريات ، و دا طبعا غير الاختلاف في الأسعار و عشان كدا هنعرضلكم الموبايلين مع بعض و اللى هيحدد اختيارك هي ميزانيتك.

    ليه iPhone 11 Pro Max في المرتبة الرابعة : مفيش ادني شك ان iPhone 11 Pro Max هو افضل موبايل من Apple حتى الآن ، لكن بيفضل أغلي من موبايلات samsung اللي ممكن تشتريها بنفس المبلغ و كمان هتحصل علي شاشة و عتاد داخلي افضل يبتدي سعر ايفون 11 برو ماكس من 20500 جنية مصر للنسخة الـ 64 جيجا بايت.

    الشاشة : استحوذت شاشة OLED مقاس 6.5 بوصة من Apple على iPhone 11 Pro Max الشاشة رغم انها مش الاكبر حجماً بين المنافسين الا إنها بتقدم افضل تجربة لبث الفيديوهات والألعاب لكن لسه أبل مش بتدعم معدل اطارات الشاشة اكتر من 90 هرتز و دا اقل من اللى موجود في سامسونج نوت 20 و كلنا مستنين نشوف الـ 120 هرتز في موبابلات أبل قادمة iPhone 12 .

    البطارية : هي الافضل اداء و طول عمر علي الاطلاق بين كل موبايلات Appel و دا بيرجع للتحسنات في نظام iOS من أبل و كمان التحسنات علي المعالج A13 Bionic .

    الكاميرا : إعداد الكاميرات الثلاثية على iPhone 11 Pro Max رائع و دي اول مره نشوف موبايلات بتلات كاميرات من  شركة آبل ثلاث.

     

    5. OnePlus 8 Pro

    OnePlus 8 Pro
    • تاريخ الإصدار : أبريل 2020
    • الوزن : 199 جرام
    • الأبعاد : 165.3 × 74.35 × 8.5 ملم
    • نظام التشغيل : Android 10
    • حجم الشاشة : 6.78 بوصة
    • دقة الشاشة : 3168 × 1440
    • وحدة المعالج : Snapdragon 865
    • الرامات : 8/12 جيجابايت
    • التخزين : 128/256 جيجابايت
    • البطارية : 4510 مللي أمبير
    • الكاميرا الخلفية : 48 + 48 + 5 + 8 ميجا بكسل
    • الكاميرا الأمامية : 16 ميجا بيكسل

    زي كل سنة وان بلس بتذهلنا بـ OnePlus 8 Pro و هيفضل اقوي منافس الشركة Samsung و Apple في قائمة أفضل موبايلات 2020 و دا بيخليه موجود معنا في القائمة النهارده .

    ليه OnePlus 8 Pro في المرتبة الخامسة: بعد ما كانت المنافسة في الفئة الرائدة بيكون بين هواتف Apple و Samsung و اوقات Sony ، أصبح عندنا OnePlus بيفرض نفسه بقوة من حيث الامكانيات اللى بيوفرها مقايل السعر اللي ابتدي يرتفع من السنة الماضية عشان يوصل سعر OnePlus 8 Pro لـ 17500 جنية مصر للنسخة 256 جيجا بايت مع 12 جيجا رام و كمان وان بلس 8 برو بيدعم شبكات الـ 5G و كاميرات تنصنف من ضمن الاقوي و الافضل في 2020 .

    الشاشة: بيتمتع هاتف OneOlus بشاشة بمقاس 6.78 بوصة هتقدر تشد انتباهك اكتر من شاشات iPhone لسبب واحد بسيط معدل الاطارات للشاشة 120 هرتز، هيديك تجربة افضل من موبايلات كتير خصوصاً في الالعاب و كمان خاصية HDR10 + لحماية العين و الوان اوضح و اكتر كثافة .

    البطارية: لو انت بتدور علي موبايل باقوي بطارية ممكن تكمل معاك اليوم يبقي OnePlus 8 Pro بيحققلك المعادلة الصعب دي مع بطارية بسعة 4510 مللي امبير مع امكانية الشحن السريع اللى بيكون موجود داخل علبة الهاتف .

    الكاميرا: الموبايل بيجي مع 4 كاميرات خلفية قادرة علي المنافسة الشرسة مع موبايلات آبل او حتي احدث موبايلات سامسونج كاميرا بدقة 48 ميجابكسل وزووم بصري 3x مع تقريب رقمي 30x.

     

     

    اترك تعليق